سيد عابد عباس ڪاظمي

سيد عابد عباس ڪاظمي: سيد عابد عباس ڪاظميءَ، 27 جنوري 1969ع تي مدئجي، ضلعي شڪارپور ۾ ڄائو. ابتدائي ۽ ثانوي تعليم کانپوءِ شاهه عبداللطيف يونيورسٽي خيرپور مان اردو ۽ ڪيمسٽريءَ ۾ ماسٽرس ڪيائين. پوءِ ايل. ايل. بي به ڪيائين. کيس ننڍپڻ کان ئي ادب سان لڳاءُ هو. شاگرديءَ واري دور ۾ ’ڊيموڪريٽڪ اسٽوڊنٽس فيڊريشن‘ (DSF) ۾ شامل ٿيو. ضلعي شڪارپور ۽ شاهه عبداللطيف يونيورسٽيءَ جو صدر رهيو. 1989ع کان ’عوامي آواز‘ اخبار ۾ ڪالم لکيائين. ’سنڌي ادبي سنگت‘ ۽ ’سگا‘ مديجيءَ جو بنياد رکيائين. 1990ع ۾ ايمنسٽي انٽرنيشنل ۾ شامل ٿي ۽ ’ڪاروڪاري‘ ۽ ’انساني حقن جي تعليم‘ لاءِ پاڪستان جو Campaign Coordinator ٿيو. ڪيترن سماجي ادارن سان وابسته رهيو. 2003ع کان ڪراچيءَ ۾ وڪالت شروع ڪيائين، ۽ ساڳئي سال کان ريڊيو پاڪستان ۾ ملازمت ڪري رهيو آهي. عابد ڪاظمي، اردو ۽ سنڌيءَ ۾ شاعري ڪندو آهي، ڪالم لکندو آهي. سندس ڪالمن ۽ فيچرن جو ڪتاب ’وساورني‘ ۽ اردو شاعريءَ جو ڪتاب ’خواب هوائين‘ (2012ع) ڇپجي چڪا آهن. کيس ڪيترا اوارڊ ۽ ملي چڪا آهن. ’انجمن ترقي پسند مصنفين‘ لاڙڪاڻي ضلعي جو سيڪريٽري رهيو آهي. ان کان سواءِ ريڊيو پاڪستان ڀٽ شاهه جو اسٽيشن ڊائريڪٽر به رهيو آهي.

داخلا ۾ استعمال ٿيل تاريخون

1969.01.27  عيسوي

سيد عابد عباس ڪاظميءَ، 27 جنوري 1969ع تي مدئجي، ضلعي شڪارپور ۾ ڄائو.

شخصيتون - ڀاڱي جون ٻِيون داخلائون